Бірегей мәдени жобаны Qazaq Oil компаниясы ұсынып отыр
Бірде алматылық музыкант жігіт музыкалық топтың талантты вокалисі Джулияға ғашық болады. Қыз белгілі бір жағдайға байланысты туған қаласынан мұхит асып көшіп кетеді. Сол ару туралы "Девчонка из далеких дней…" деп бүкіл дала ән салғандай болады. "Джулия" мюзиклінің сюжетіне осы оқиға арқау болған. Бұл мюзикл Астана сахнасында 9-21 желтоқсан күндері көрерменге жол тартады. Бірақ бұл романтикалық оқиғаның басы ғана, Джулия ештеңеге қарамастан қайтып оралады.
Спектакль қоюшыларының айтуынша, Джулия Нью Йорктың атақты Бродвейінде қойылып жатқан мюзиклдермен пара пар саналатын бірден бір қазақтандық мюзикл. Бұл мюзиклде A'Studio тобының әндері шырқалады. Олардың біразы қазақ тілінде болмақ. Мұның өзі отандық мюзикл өнерінде құбылыс болмақ.
Джулияны сомдаған солист Маргарита ОПРЯ мюзиклге қабылданбас бұрын актерлік тәжірибесі болмағанын айтады. Кастингке продюсер Байғали СЕРКЕБАЕВПЕН танысуға келген.
- Мен ешқашан дұрыс сөйлеуді үйреніп, актерлік шеберлігімді шыңдап көрген емеспін. Би де менің сүйікті ісім емес. Мен тек ән айтатынмын, музыка жазатынмын. Осы қызығушылығым мюзиклге әкелді. Мен кастингке Байғали Ермекұлы Серкебаевпен танысуға келген едім. Күтпеген жерден іріктеуден өтіп кеттім, - деді Маргарита Опря журналистерге берген сұхбатында.
Бұл мюзиклде басты рөлді сомдау үшін Қазақстан, Ресей, Өзбекстан, Беларусь, Украина және Қырғызстан елдерінен 3000 тарта анкета келген. Жанды тыңдалымға келген 300 әртістің ішінен 60 қатысушы іріктеліп алынған. Негізінен көбінесе шын жүйріктер қазақстандық қатысушылар арасынан шыққан.
"Джулия" мюзиклі жылдың басында алматылық көрермендерге көрсетіліп, ыстық ықыласқа бөленген еді. Ал Астанаға жылдың соңында жеткізіліп отыр. Солистердің бірі Адам БАЙГАНЫШЕВТЫҢ айтуынша, бұл үшін арнайы дайындық шаралары қажет болған.
- Қазір біз мюзиклді аздап түрлендіріп жатырмыз, себебі "Астана балет" сахнасы Алматыдағы сахна сияқты емес. Ресейден бас режиссер Василий БАРХАТОВ келді. Ол өз идеясын сақтап қалды, бірақ кейбір мизансценаларды өзгертуге тура келді, - деді Байганышев.
Ұйымдастырушылар керемет декорациялық шешімдер арқылы Алматы атмосферасын жеткізуге тырысты. Сахнада ескі қала мен жаңа заманауи алматыны көруге болады. Оған қоса жанды дауыс пен талантты актерлердің ойынын қосыңыз. "Джулия" мюзиклі Астана көрермендеріне Qazaq Oil компаниясының демеушілік қолдауымен жол тартпақ.
- Біздің көпшілігіміз A'Studio әндерін тыңдап өстік, Бұл әндерді бірнеше буын өкілдері жатқа біледі десем артық етпес. Осы жобаны қолдауға қатысуға бел шешкен себебіміз де сол. Өйткені, мәдениеттің дамуы, мәдени шаралардың географиясының кеңеюі аса маңызды. Талантты ұжымдарға тиімді мүмкіндіктер берілсе нұр үстіне нұр емес пе?! Біз ұлттық автожанармай құю станциялары желісі ретінде өз құндылықтарымызға адалмыз. Биыл "Азия дауысы" фестивалінің жандануына ықпал еттік, - деді Qazaq Oil компаниясының маркетинг және стратегиялық даму департаментінің директоры Бахытжан ТАСАНБАЕВ.
Жабаның бас продюсері Кайрата КУЛЬБАЕВтың айтуынша, Алматыда жарты жылда "Джулия" мюзиклін 50 мыңға жуық адам тамашалаған. Көпшілік гастрольдік сапармен өңірлерге шығуды сұрап отыр.
- Мен аудиторияны астаналық немесе алматылық деп бөлмес едім, - деді Кайрат Кульбаев. - Басқа қалаларға да жиі шақырып жатыр. Өкінішке орай, мюзиклде қолданған технологияларды тек "Алматы Театр" немесе "Астана Балет" сахнасында жүзеге асыруға мүмкіндік бар. Басқа қалаларға апарудың шешімін іздестіріп жатырмыз. Осындай мәдени шараларды қолдау Qazaq Oil компаниясының корпоративті брендіне айналған.
Қазақстанда автожанармай құю кешеніне айналған компания бүгінде көптеген тауарлар мен қызметтерді ұсынып қана қоймай, өз брендін шығарып отыр. Сонымен қатар, жаңа трендке бастама болуда. Корпоративті белсенділік пен мәдени шараларды қолдау жалпы айтқанда бір бірімен сирек ұштасатын түсінік. Ал Qazaq Oil, сонымен қатар, әлеуметтік тұрғыдан аз қамтылған отбасыларға көмектесіп келеді.
Биыл Астанада жалпы құны 120 млн теңге болатын мыңдаған азық түлік жиынтығы таратылды. Ал Абай және Қостанай аудандарында өрттен жапа шеккен отбасыларға 100 млн теңге қаражат берілді. Компания Қарағандыдағы перинаталды орталығына арнайы жабдыққа қаражат жинап берді.
- Qazaq Oil тек қана жоғары сапалы мұнай өнімдері мен тұрмыстық тауарларды жеткізіп, сатып қана қоймаймыз. Сондай ақ, бизнестің әлеуметтік жауапкершілігін де бірінші кезекке қоямыз. Компания қазақстандықтарды біріктіретін мәдени шараларды қолдауға ат салысады. Осының алдында “Азия дауысы” фестивалін жандандыруға үлес қоссақ, бұл жолы Астанаға мюзикл әкеп жатырмыз. Qazaq Oil келер ұрпаққа қайталанбас мәдени мұрамызды жеткізуге барын салады, - деді QazaqOil бас директоры Тулемис Шотанов.
ПОДЕЛИТЬСЯ СВОИМ МНЕНИЕМ И ОБСУДИТЬ СТАТЬЮ ВЫ МОЖЕТЕ НА НАШЕМ КАНАЛЕ В TELEGRAM!
