Qazaq Oil компаниясы өзінің негізгі қызметінің шеңберінен шығып, астаналық көрерменге бірегей мәдени шара "Джулия" мюзиклін ұсынады
"Джулия" алматылықтардың жүрегінен жылы орын тапқаны анық. Енді Qazaq Oil компаниясының арқасында бұл музыкалық жанрды астаналық көрермен де тамашалай алады.
- Біз қазақстандықтарды біріктіретін бірегей мәдени шараларды ұйымдастыруға белсенді атсалысамыз. Мұның алдында аты аңызға айналған "Азия Дауысы" музыкалық фестивалінің қайта жаңғыруына ықпал етсек, бүгін Астанаға мюзикл алып келдік. Бұл біз үшін маңызды миссия деп санаймыз. Qazaq Oil болашақ ұрпаққа мәдени мұрамызды сақтап, жеткізіп беруге тырысады. Мәдени шараларды қолдау біздің корпоративтік брендіміздің маңызды бөлшегі, - деді Qazaq Oil бас директоры Тулемис ШОТАНОВ.
"Джулия" - бродвей мюзикл дәстүрінен туындаған жай ғана шоу емес, ол A'Studio хиттерінің ғажайып әлеміне бойлататын нағыз мереке болмақ. Мюзикл көрерменді романтикалық қатынас, кездесу мен қоштасу, шынайы махаббатты іздеу хикаяларына алып кетеді. Бұл шоу режиссер Василия Бархатов пен A’Studio тобының лидері Байғали Серкебаевтың халықаралық командасының қатысуымен ұйымдастырылды. Елорда халқы музыкалық кешті 9 және 21 желтоқсан аралығында Astana Ballet театрында тамашалай алады.
- Алматыда болған кештің көрермен жүрегіне жол тапқанына қатты қуандық. Көпшіліктің сұрауымен осындай кешті Астанада да ұйымдастыруды жөн көрдік. Бұл кештің біз үшін маңызы өте жоғары. Біз астаналықтармен кездеуге асықпыз, - деді Aurora Event Group негізін қалаушы, Джулия мюзиклінің бас продюссері Қайрат Кульбаев.
Мәдени оқиға ірі компаниялар елдің рухани өміріне қалай ерекшелік енгізе алатынын көрсетсе керек. Qazaq Oil бүгінде тек қана автожанармай құю станциялары кешенін басқарушы ғана емес, Қазақстанның мәдени саласының дамуына үлес қосып отырған ірі компаниялардың бірі. Корпоративті белсенділік пен мәдени шараларды қолдау жалпы айтқанда бір бірімен сирек ұштасатын түсінік. Ал Qazaq Oil, сонымен қатар, әлеуметтік тұрғыдан аз қамтылған отбасыларға көмектесіп келеді.
Биыл Астанада жалпы құны 120 млн теңге болатын төрт мың азық-түлік жиынтығы таратылды. Ал Абай ауданында өрттен жапа шеккен отбасыларға 50 млн теңге, Қостанай облысының тұрғындарына да сол мөлшерде қаражат берілді.
Qazaq Oil, сонымен қатар, спортты қолдауға да белсенді ат салысады. Компания паралимпиада комитеті, су спорты, джиу-джитсу федерациясы тағы басқа шараларға көмектесіп келеді.
- Qazaq Oil елдегі біраз спорттық шараларға демеуші болып келеді. Біз отандық су полосы спортының, үстел теннисі, басқа да дисциплиналар бойынша спорттың дамуына үлес қосып келеміз. Біз тек қана жоғары сапалы мұнай өнімдері мен тұрмыстық тауарларды жеткізіп, сатып қана қоймаймыз. Сондай ақ, бизнестің әлеуметтік жауапкершілігін де бірінші кезекке қоямыз, - деді QazaqOil бас директоры Тулемис Шотанов.
Фото: Qazaq Oil.
