Тағы жеңілді да. Болмайтын нәрсе болмайды!
“Сәл сәттілік жетіспеді, төреші қарсыласқа көмектесті, негізі біз басым болдық”, - деген әңгімелерді қоя салайық.
Тарихта нәтиже қалады.
Қандай амалмен болсын, қазақ жігіттері өз алаңында жеңісті жұлып алуы керек еді.
Енді анау-мынауды алға тартып, ақтауға тырысудың қажеті жоқ.
Бұл тек бүгін болған жағдай емес.
Ұлттық құраманың жеңілісіне етіміз әбден үйренді.
Ұят жағдай.
Ал енді бұл салаға елімізде ең қомақты қаржы бөлінетінін ескерсек, тіптен масқара жағдай.
Соңғы 18 жылда халықтың аузынан жырып алынған 700 млрд теңге ауаға кетті деген сөз.
Оның алдында қаншасы бөлінді?! Қазір қаншасы бөлініп жатыр?!
Жалпы шығындану жағынан қарсылас елдерден бәленбай есе асып түсеміз.
Ал, нәтижеге келгенде, керісінше.
Бұған қоса, командада ауызбіршілік жоқ. Тіпті кей ойыншылар тарапынан мүмкін бас бапкерге, мүмкін федерация басшылығына қарсылық бардай көрінді.
Агенттердің де интригасы көп.
Жақсы емес.
Одан кейін бір тілде сөйлемеудің, бір рухпен ойнамаудың, бір толқында болмаудың да әсері көрініп тұрды. Оның үстіне шеберлік жағы да өте төмен.
Жалпы, 35 жыл бойы саланы майшелпекке айналдырып, ұрлап-тонап, ішіп-жеп, ойнап-тойлап, былыққа әбден батқан қазақ футболының көрінісі бұл.
Не дейміз? Өте өкінішті.
Әсіресе, миллиондаған жанкүйерге обал. Үміті өшіп, сенімі сейілді.
Негізі қазақ халқы бұндай нәтижені көруге лайық емес еді.
Басы-қасындағылар не дер екен? Нақты жоспар бар ма? Түбегейлі реформа бола ма? Әлде сіздер де алдыңғылар сияқты әйтеуір қазанның қақпағын жылы жауып, уақыты келгенде тайып тұруды ғана ойлайсыз ба?!
Көрші елдің балалары әлем чемпионатына шығып жатыр.
Ал біз әлі күнге дейін жеңілістен көз ашпаймыз.
Жауап беретін уақыт келді...
Дереккөз: Спорт журналисі Аслан Каженовтың Facebook-тегі парақшасы. Автордың рұқсатымен жарияланды.
Фото: kff.kz.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
