Мамандар 20 мыңнан аса нысанды тексеріпті
Бұл туралы қаланың бес жылдық жоспарының жобасында көрсетілген, деп хабарлайды КТК телеарнасы.
Мамандар 20 мыңнан аса нысанды тексеріпті. Оның қорытындысы бойынша, ғимараттардың 26 пайызы сейсмика тұрғысында қауіпті екені анықталған.
Яғни 5600 нысанды зілзалаға төзімді етіп қайта жөндеу керек, не болмаса сүріп тастау қажет.
Құжатта жыл сайын қаладан 80 шақырым радиуста 200-ге тарта әлсіз жер сілкінісі болатыны да жазылған.
Жалпы Алматыда 27 тектоникалық жарық бар. Оның жартысынан көбі таулы аймақта орналасқан.
- Қаланың сейсмикалық қауіпсіздік деңгейін бағалау үшін Сейсмологиялық бақылаулар мен зерттеулер ұлттық ғылыми орталығы “Еуростандарт” негізінде сейсмикалық шағын аудандастыру картасын әзірледі. Оған сәйкес, қала 9-10 балл сейсмикалық аймақта орналасқан. Жер сілкінісіне төзімділік талаптарына сәйкес келмейтін объектілер мен ғимараттарды анықтау үшін 2017-2018 және 2023-2024 жылдары 20 мыңнан астам нысанға паспорттау жүргізілді. Олардың 26 пайызы (5,6 мың объект) сейсмикалық күшейтуді немесе бұзуды талап етеді, - делінеді Алматы қаласын 2025 жылға дейінгі дамытудың бес жылдық жоспары жобасында.
Фото: Алматы әкімдігі.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
