Солардың бірі – Рысқұлов даңғылында келе жатқан Lada автокөлігінің жүргізушісі
"Қауіпсіз жол" жедел алдын алу іс-шарасы аясында өткен демалыс күндері Алматыда көлікті мас күйде басқарған 28 жүргізуші ұстады, - деп хабарлайды Polisia.kz.
Солардың бірі – Рысқұлов даңғылында келе жатқан Lada автокөлігінің жүргізушісі. Ол полиция қызметкерлері тоқтатқан кезде тексеріліп, сараптама бойынша оның "жеңіл дәрежедегі" мас күйде болғаны расталды.
"Қауіпсіз жол" іс-шарасының мақсаты – жол-көлік оқиғаларының алдын алу, жол қозғалысы ережелерінің бұзылуына тосқауыл қою және әсіресе мас күйде көлік жүргізу деректерін болдырмау.
Жыл басынан бері Алматы қаласында 800-ден астам мас жүргізуші анықталып, бәрі заң аясында жауапкершілікке тартылды.
– Алкогольдік ішімдік ішіп, көлік тізгіндеген адам тек өзінің ғана емес, өзгенің де өміріне қауіп төндіреді. Полиция мұндай құқық бұзушылықтарды анықтауды және олардың жолын қатаң түрде кесуді жалғастырады. Біз азаматтарды жауапкершілікке шақырамыз. Егер мас жүргізушіні байқасаңыз, бірден полицияға хабар беріңіз, – деді Алматы қалалық полиция департаменті жергілікті полиция қызметі басқармасының бастығы Серік ШУМАЕВ.
"Қауіпсіз жол" акциясы әлі жалғасып жатыр.
Фото: youtube.com / Almaty Polisiasy.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
