Жел құлатқан бағанаға бірден екі көлік соғылған
Қарағанды тұрғыны “ҚазАвтоЖол” компаниясын сотқа береді. Себебі ол Қарағанды-Астана бағытындағы ақылы жолда құлап қалған бағанаға соғылған, деп хабарлайды КТК телеарнасы.
Дұрыс орнатылмаған бағананың кесірінен “көлігім тас-талқан болды” дейді жәбірленуші.
- Аталған бағана іргетасына дұрыс бектілмеген. Екі үш жерінен ғана дәнекерленіп тұр екен. Жолға ақы төлеп шыққасын қауіпсіздік те болуы керек қой, - дейді Қарағанды қаласының тұрғыны Ермек КӘРІБАЕВ.
Жел құлатқан бағанаға бірден екі көлік соғылған. Қайта ешкім зардап шекпепті. Бірақ Қарағанды тұрғынның көлігі қатты зақымданған. Енді оның қозғалтқышы мен шанағын жөндеу керек. Ермек Кәрібаев автобанда қатты келе жатып, тежеуішті басып үлгермеген. Айтуынша, бағана дұрыс бекітілмегендіктен, жолға құлаған. Ақылы жолдың қауіпсіздігіне “Қазавтожол” ұлттық компаниясы жауапты. Сондықтан Қарағанды тұрғыны адвокат жалдап сотқа жүгінбекші.
- Жарық бағаны қатты желден құлап, сол сәтте екі көлік тежеушін басып үлгермеді. Жол апаты болып, полиция департаменті бұл мәселемен айналысып жатыр. Сол сәтте полция департаменті шақырылды. Жалпы азаматтар сотқа да жүгінуіне болады және өтем алу үшін сақтандыру компаниясына да жүгіне алады, - дейді “ҚазАвтоЖол” АҚ ҰК ресми өкілі Сәкен ДІЛДАХМЕТ.
Фото: ktk.kz.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
