Компания жанармай сапасын мұнай базасынан бастап көліктің багына құюға дейін толық қамтитын бақылау жүйесін енгізді
Qazaq Oil компаниясы құрылған күнінен бастап сапаға ерекше мән беріп келеді – жанармайдан бастап қызмет көрсетуге дейін. Бүгінде бұл жай ғана қағида емес, нарықтағы брендтің жылдам нығаюына ықпал ететін бәсекелі басымдыққа айналды.
Tulpar – жаңа буынның премиум жанармайы
2023 жылы Qazaq Oil француздық TotalEnergies® энергетикалық корпорациясымен бірлесіп, Қазақстан нарығына Tulpar-95 маркалы жанармайын ұсынды. Жетілдірілген техникалық сипаттамаларының арқасында ол автокөлік жүргізушілерінің сеніміне тез ие болды. Көп ұзамай Tulpar-92, Tulpar-98 және қысқа бейімделген Tulpar-ДТ дизель отыны сатылымға шықты. Бүгінде бұл отын түрлерінің бәрі де еліміздегі Qazaq Oil желісінде сатылады.
Қазақстандық жүргізушілер неге Tulpar-ды таңдайды
Tulpar премиум жанармайының бірнеше айқын артықшылықтары бар:
- Қозғалтқыш қуатын арттырады
- Жанармай шығынын үнемдейді
- Техникалық қызмет көрсету шығындарын азайтады
- Зиянды шығарындыларды төмендетеді
- Отын жүйесін коррозиядан қорғайды
- Қатты аязда қозғалтқыштың тұрақты жұмысын қамтамасыз етеді (дизель үшін)
Бұл артықшылықтар Қазақстанның климаттық жағдайларында және ұзақ сапарлар кезінде аса өзекті.
Сапа барлық кезеңде бақыланады
Qazaq Oil үшін сапаны бақылау – жай ғана рәсім емес, стратегиялық басымдық. Компания мұнай базаларынан бастап жанармай құю стансасында автокөлікке жанармай құюға дейінгі барлық кезеңді қамтитын толық бақылау жүйесін енгізді.
Алматы, Астана және Атырау қалаларында компанияның өзіне тиесілі аккредиттелген зертханалары жұмыс істейді. Ол жерде білікті мамандар заманауи еуропалық, америкалық және ресейлік өндірушілердің жабдықтарымен сараптама жүргізеді.
Qazaq Oil сапа бақылау бөлімінің басшысы Мадина ТУТЕЕВА атап өткендей, жанармай бірнеше негізгі көрсеткіш бойынша тексеріледі:
- Ең алдымен, біз тығыздықты анықтаймыз. Бензин үшін – октан санын УИТ-85М құрылғысының көмегімен және фракциялық құрамын, дизель отыны үшін – жабық тигельдегі тұтану температурасын және кинематикалық тұтқырлығын өлшейміз. Біз өз жанармайымыздың сапасына сенеміз, - дейді ол.
Ашықтық пен сенім – қызметтің негізі
Qazaq Oil компаниясы тұтынушылармен өзара қарым-қатынасқа ерекше көңіл бөледі. Егер тұтынушыда жанармай сапасына қатысты сұрақтар туындаса, ол жанармай бекетіндегі резервуардан сынама алу процесіне өзі қатыса алады. Бұдан бөлек, клиенттер зертханалық талдауға қатысып, нәтижесін өз көзімен көре алады.
Сапаны тексерудің осындай ашық тәсілі жүргізушілер мен серіктестер тарапынан сенімді нығайтады.
- Сапаны бақылау – бұл формальды нәрсе емес, нақты стандарттарға негізделген жүйе. Біз тек осындай тәсіл ғана клиенттердің сенімін сақтап, брендтің ұзақ мерзімді құндылығын қалыптастырады деп сенеміз, - дейді Qazaq Oil-дың PR-қызметінің жетекшісі Анель ЕЛІКБАЕВА.
Сапа кепілдігі – әр клиент алдындағы жауапкершілік
Халықаралық стандарттарға сай жанармай ұсына отырып, Qazaq Oil нарықтағы ірі ойыншылармен сенімді түрде бәсекелесіп келеді. Компания Қазақстанда да сапа мен қызмет көрсету деңгейінің жоғары болуы мүмкін екенін дәлелдеуде.
Qazaq Oil өз клиенттерінің үмітін ақтау үшін технологиялар, инфрақұрылым және кәсіби бақылауға инвестиция салуды жалғастыруда. Тәжірибе көрсетіп отырғандай, мұндай тәсіл тиімді, ашық әрі тұтынушы мүддесіне сай жұмыс істейді.
Фото: Qazaq Oil.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
