Қызметі нашар, бағасы қымбат туризм
Қазақстандық блогер Алакөл мен Египеттегі демалыс құнын салыстырып, әлеуметтік желідегі парақшасында өз есебін жариялады, деп хабарлайды Todayinfo.
Ол екі бағыттағы қонақүй бағаларына ерекше назар аударып, былай деп жазады:
“Алакөлде терезесі көлге қарайтын бөлме үшін екі ересек пен бір балаға күніне 60 мың теңге сұрап отыр. Егер екі балаңыз болса, үстіне тағы 10 мың теңге қосасыз. Яғни, тәулігіне 70 мың теңге. Оған тамақ кірмейді дейді. Ал үш уақыт ішетін ас-суы үшін ересек бір адамға 12 мың теңге, ал балаңызға 8 мың теңге қосымша төлейсіз. Төрт адамға 10 күнге деп есептеп шығып едік, 1 млн 100 мың теңге шығады екен”, - деді ол.
Блогердің айтуынша, шетелдегі демалыс бұл бағаға қарағанда әлдеқайда арзанға түскен.
“Ал біз Египетке төрт адам болып 7 күнге 990 мың теңгеге келдік. Оның ішіне бәрі кіреді. Тамағы, бәрі тегін. Тіпті алкогольді сусындары да толып тұр, тегін. Барып-қайтатын ұшағымыз да, трансфер де осы бағаның ішінде. Ал Алакөлге барар болсақ, ұшақ билетін бөлек төлейміз немесе өз көлігімізбен баруымызға тура келеді. Сонда өз елімізде демалғаннан Дубай мен Египетте қыдырған арзан болып тұр ма деген ой келеді”, - деп түйіндеді ол.
Фото: © Ratel.kz / Алия Ахмедиева.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
