2021 жылы өз жинағыңыздағы қандай соманы алуға мүмкіндігіңіз бар екенін біліңіз
1 қыркүйекте Ел Президенті 2021 жылдан бастап әрбір азамат өзінің зейнетақы қорындағы жинақтың белгілі бір бөлігін ем алуға, балаларын оқытуға, жылжымайтын мүліктің бастапқы жарнасын төлеу мақсатына пайдалана алады деп мәлімдеді.
БЖЗҚ шоты бар әрбір қазақстандық өз бетінше өз жинағының көлемін біліп, алатын сомасын есептей алады.
І ҚАДАМ. БЖЗҚ жинақты қалай тексеруге болады
- Зейнетақы жинағы туралы анықтаманы egov.kzпорталы алуға болады. Ол үшін сонда тіркеліп, «Қызметті онлайн алу» бастырмасына өту керек. Өтініш жазып, электронды цифрлы қолтаңбасын /ЭЦҚ/ қою қажет. Жеке кабинетте /қызмет алу тарихы бөлімінде/ анықтамамен танысуға болады.
- Өз смартфоныңызға eGov Mobileмобильді қосымшасын жүктеп алуға болады. «Қызметтер» бөліміндегі«Жеңілдіктер, жәрдемақы және зейнетақы» дегенді таңдап, іздеу деген қатарға «Зейнетақы туралы ақпарат» дегенді теру керек. Ол үшін ЭЦҚ керек емес. Тіркеліп, бір реттік SMS пароль арқылы қызмет алуға болады.
- enpf.kz сайты арқылыондағы электронды қызметтер топтамасын таңдап – анықтаманы электронды поштаға алып – жинақ иесінің ЖСН-ін теріп- электронды пошта адресіне – шоттағы қажетті кезеңді көрсетіп «жіберу» деген бастырманы басу керек. Осы қадамдардан соң электронды поштаңызға анықтама келеді. / толық нұсқама/
ІІ ҚАДАМ. Зейнетақы шотынан қанша ақша шешіп алуға болатынын қалай білуге болады
Ratel.kz өз сайтында зейнетақы калькуляторын іске қосып отыр, сол арқылы оқырмандар 2021 жылы өз жинағынан қанша қаражат алатынын біле алады. Ол үшін сіз калькуляторға базалық деректеріңізді - БЖЗҚ жинақ сомасын және жасыңызды көрсетуіңіз керек. Ал, калькулятор сіздің қанша қаражатты алуға мүмкіндігіңіз барын есептеп шығарып береді.
Қосымша: Есеп Еңбек және халықты әлеуметтік қорғау министрлігінің деректеріне сәйкес жасалған. Дереккөзде салық жөнінде дәйек көрсетілмеген.
Фото: Ⓒ Ratel.kz / Сергей Перхальский.
Зейнетақы калькуляторы
Сіздің жасыңыз:
Жинаған сомаңыз:
