Ақынның тойына саяси элита өкілдері жиналған екен
Экс-премьермен тойда түскен суретін журналист Бигелді ҒАБДУЛЛИН әлеуметтік желідегі парақшасында жариялады деп хабарлайды bairaqmedia.kz.
Көптен көрінбей кеткен Серік АХМЕТОВ Қарағандыға ақын Серік АҚСҰҢҚАРҰЛЫНЫҢ 75 жас мерейтойына барған. Журналист осы шарадан естелік ретінде бірнеше сурет жариялаған. Әрі ақынның тойына саяси элита өкілдері жиналғанын жазыпты.
“Кеше Сарыарқаның жүрегі - Қарағанды қаласында қазақтын талантты ақыны Серік Ақсұнқардың мерей тойы өтті. Бұл той тек осы өңірдің тойы емес, бүкіл қазақ елінің мерекесі болды деуге әбден болады. Президент Тоқаевтың құттықтау сөзін оның көмекшісі Арман Қырықбаев оқып, лебізін білдірді. Құттықтау хаты Сенат, Мәжіліс спикерлері, Премьер-министр мен Мемлекеттік хатшының атынан да оқылды”, - деп жазды Бигелді Ғабдуллин.
Серік Ахметов 2012 жылдан 2014 жылға дейін Премьер-министр қызметін атқарды. Одан кейін Қорғаныс министрлігін басқарған болатын. 2015 жылы оған аса ірі көлемде пара алды, қызметтік өкілеттігін асыра пайдаланды, бюджет қаражатын жымқырды және заңсыз кәсіпкерлікпен айналысты деген айыптар тағылды. 2017 жылы Ахметов жазаның бас бостандығын шектеуге, яғни шарттыға ауыстырылуына байланысты түрмеден босатылды. Содан бері экс-премьер көпшілік алдында көрінбей кеткен болатын.
Фото: Бигелді Ғабдуллиннің парақшасынан.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
