"Алтын адам" жәдігері 2017-2020 жылдар аралығында "Алтын адамның әлем музейлеріне шеруі" атты халықаралық жобасы аясында ұйымдастырылған 12 мемлекетте көрмеге қойылды
Ұсыныстардың түсуіне байланысты "Алтын адам" көрмесі алдағы уақытта халықаралық көрмелерге қойылады. Бұл туралы Ұлттық музейдің ҚазАқпарат агенттігінің сауалына берген жауапта айтылған.
"Алтын адам" жәдігері 2017-2020 жылдар аралығында "Алтын адамның әлем музейлеріне шеруі" атты халықаралық жобасы аясында ұйымдастырылған 12 мемлекетте көрмеге қойылды. Атап айтқанда, Ресей, Беларусь, Қытай, Әзербайжан, Польша, Оңтүстік Корея, Өзбекстан, Солтүстік Македония, Түркия, Малайзия, Греция және Үндістан. Алдағы уақытта ұсыныстардың түсуіне байланысты "Алтын адам" мен музейдегі тарихи құндылығы бар жәдігерлерді шет мемлекеттер көрмелеріне шығару жоспарда бар. Нақтырақ айтсақ, 2023 жылы 20 маусымда ұлттық музейге сапармен келген Германияның Федералды президенті Франк-Вальтер Штайнмайер "Алтын адамға» қызығушылық танытып, көрмені Германияда ұйымдастыру туралы ойын білдірді", - делінген жауапта.
Мәлім етілнгендей, 1970 жылы Алматы облысының Есік қорғанынан табылған, б.д.д. V–ІV ғғ тиесілі Алтын киімді сақ жауынгерінің ("Алтын адам") түпнұсқасы халықаралық музей стандартына сәйкес Ұлттық музейдің арнайы қорында сақтаулы тұр.
Сақ патшасына тиесілі бұл олжа жалпы саны 4 мың данадан тұратын әшекей бұйымдармен безендірілген.
Фото: Национальный музей РК.
