Көпбалалы отбасыларды қолдауға бағытталған жаңа норма күшіне енді
2025 жылдан бастап Қазақстанда көпбалалы отбасыларды қолдауға бағытталған жаңа норма күшіне енді. Бұл шара ата-аналарға отбасылық бюджеттің салықтық жүктемесін азайтуға мүмкіндік беріп, төрт немесе одан да көп баласы бар отбасылардың әл-ауқатын арттыруға оң әсер етеді, деп хабарлайды Алматы қаласы бойынша Мемлекеттік кірістер департаменті.
Көпбалалы отбасы үшін салықтық шегерім 282 АЕК (2025 жылы – 1 108 824 теңге) мөлшерінен аспайтын мөлшерде жиынтығында екі ата-анаға мынадай тәртіптердің бірімен:
- көпбалалы отбасының бір ата-анасына ай сайын 23 АЕК (2025 жылы – 90 436 теңге);
- әр ата-анаға ай сайын 12 АЕК (2025 жылы – 47 184 теңге) мөлшерінде.
Салықтық шегерім, егер жеке тұлғаның 1 қаңтардағы күнтізбелік жыл басында төрт немесе одан да көп кәмелетке толмаған балалары болса, және бұл олардың туу туралы куәліктерінің көшірмелерімен расталса, қолданылады.
Осылайша, 2025 жылы көпбалалы ата-аналардың кірісінен ай сайын шамамен 90 000 теңге салық салудан босатылады.
Фото: © Ratel.kz / Айдын Олжаев.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
