Бюджет қаражатын ұрлау бойынша қылмыстық іс қозғалды
Қостанай облысының прокуратурасы бюджет қаражатын ұрлау туралы қылмыстық іс бойынша айыптау актісін бекітті, деп хабарлайды Аlmaty.tv ведомствоның баспасөз қызметіне сілтеме жасап.
Тергеу мәліметтері бойынша, “Новотроицк ауылдық округі әкімінің аппараты” ММ әдіскер-бухгалтері 2021 жылдың тамызы мен 2025 жылдың наурызы аралығында өзінің қызметтік жағдайын пайдалана отырып, үнемдеу нәтижесінде пайда болған 9,7 млн теңгені карталық шотқа заңсыз есептеп, оларға өз қалауы бойынша билік етті.
Айыпталушының іс-әрекеті Қылмыстық кодекстің 189-бабы 1-тармағының 3-бөлігі бойынша сараланады (сеніп тапсырылған бөтеннің мүлкін қызметтік жағдайын пайдалана отырып, ірі мөлшерде ұрлау).
“Аталған баптың санкциясы мүлкі тәркіленіп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, жеті жылға бас бостандығынан айыру түріндегі ең жоғары жазаны көздейді”, - делінген хабарламада.
Қылмыстық іс мәні бойынша Қарабалық аудандық сотына қарауға жіберілді.
Фото: Аlmaty.tv.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
