Ауыл мектептеріне үстел теннисіне арналған 100 жиынтық жеткізіледі
Qazaq Оil компаниясы ауыл мектептеріне тенниске арналған 100 үстел жеткізеді, деп хабарлайды Ratel.kz.
“100 ауылда 100 үстел теннисі” жобасының мақсаты - шалғай аймақтарда тұратын балаларды спортқа баулу.
“Біз балалардың жаттығуға мүмкіндігі болғанын қалаймыз. Тенниспен айналысып, халықаралық жарыстарға қатысса, нұр үстіне нұр болар еді. Нағыз талантты болашақ чемпиондар шалғай ауылдарда да бар. Біздің командамыз спортқа жағдай жасалмаған мектептерді іздеді. Басты мақсат шалғай ауылдардағы оқушыларда да спортқа қажетті инфрақұрылым болғаны”,- деді Qazaq Oil маркетинг бөлімінің басшысы Мира АБЕНОВА.
Бұл жобаны жүзеге асыруға 13 млн теңге жұмсалды. Жаңа жылға дейін 50 үстел орнатылды.
“Біз Qazaq Oil компаниясына осы сыйлығы үшін алғыс айтамыз. Біздің оқушылар спортты жақсы көреді. Енді оларға үстел теннисімен айналысуға мүмкіндік туды. Спортпен шұғылданған балалардың болашақта өмірлік көзқарасы дұрыс әрі белсенді болады”, - деді Шортанды ауылындағы №2 мектеп директоры Даурен ЖАПАРОВ.
Қаңтар айының соңына дейін спорт жабдықтарын барлық мектеп алатын болды. Ал дене шынықтыру мұғалімдері балаларды жаттықтыратын болады.
Жобаны жүзеге асыруда Қазақстан Үстел теннисі федерациясы компанияға серіктес болып отыр. Қазақстандағы спорт мәдениет және әлеуметтік сала жобаларын қолдау Qazaq Oil компаниясының басты мақсаты болып отыр.
“Бизнес тек табыс тауып қана қоймау керек. Ол туған елінің спорты мен мәдениетіне де қаражат салуы керек. Әлеуметтік жауапкершілік – заманауи кәсіпкерліктің және біздің компанияның басты құндылығы боп отыр”, - деп сенімділік танытты Qazaq Oil бас директоры Тулемис ШОТАНОВ.
Жақында ғана компания Астанадағы 4000 мұқтаж отбасыға жалпы салмағы 120 млн теңге болатын азық түлік себетін таратты. Компания дәстүр бойынша спорттық бастамаларға көңіл бөледі.
Қазақстандағы жанармай станцияларының ірі желісі паралимпиада, бокс, “Қайрат” футбол клубымен әріптестік орнатқан. Сонымен қатар, биыл компания су добы спортының доптарын өндіруге демеуші болды.
Компанияның өз ішінде “спорт философиясы” салтанат құрады.
Qazaq Oil қызметкерлері арасында марафон, жарыстар жиі ұйымдастырылады. Биыл желтоқсанда Qazaq Oil Астана қаласында “Джулия” мюзиклінің гастролін қолдады. Келер жылы да компания әлеуметтік, мәдени, спорттық салалардың дамуына үлес қоспақ.
