Кәсіпкер Жандос Оразалиев төрт жылда компания франшизасымен үш жанармай құю станциясын ашты
Кез келген бизнестің сәтті болуы көп нәрсеге байланысты, ал автожанармай құю станциясының жұмысын жүргізу бәрінен қиын. Клиенттер ең алдымен жанармайдың сапасы, қызметкерлердің кәсіби шеберлігі мен сыртқы кешенге баса мән береді. Кәсіпкерлер өз алаңдарын барынша функционалды етуге тырысады. Бұл орындар қазір тек жанармай құятын жер емес, кездесу орнына айналған. Осы бағытта аса үлкен жасампаздық танытып отырған Qazaq Oil компаниясын атап өтпесе болмас. Мысалы, кәсіпкер Жандос ОРАЗАЛИЕВ 4 жылда QO біріге отырып, үш автожанармай құю станциясын ашқан.
- Менде дайын автожанармай станциясы болды. Мен оны жалға беріп отырғам. Алайда ол керемет табыс әкелмеді. Бәрі тұрақсыз болды. Сол кезде мен бизнесті дамыту туралы ойлана бастадым. Ірі мұнай компанияларымен серіктестік туралы ой келді. Сол кезде Qazaq Oil компаниясына назар аудардым, - деді Оразалиев. Істеп тұрған бизнеске тек қана танымалдығын асыру ғана қалғанын түсінген кәсіпкер компаниямен серіктестікке бел буды. Атап айтқанда, Qazaq Oil көп шығынды қысқартуға көмектеседі. Мысалы, компания үнемі майдың сапасын тексеріп, оны өзі жеткізіп тұрады. Бүгінде 40 жуық компания Qazaq Oil компаниясымен франшиза бойынша серіктес боп отыр.
- Осы компаниялардың жұмысын зерттей келе, нарықта франчайзинг программасын ұсынып отырған Qazaq Oil компаниясын таңдадым. Осы бағдарлама бойынша менің қызметкерлерім оқудан өтті. Сонымен қатар, сапалы мұнай өнімдерін уақытында жеткізуге кепілдік алдым. Qazaq Oil талондары мен карталарын қабылдап, бірегей жарнамаға, маркетингтік саясатына қатысуға мүмкіндік алдық. Сондай-ақ, брендтің танымалдығына байланысты сауда өсті. Белсенді клиенттік аудиториямыз көбейді. Франчайзинг бойынша серіктестігіміз 2019 жылы басталды. Бұл жергілікті халықты жұмыспен қамтуға, көліктерді сапалы өніммен қамтуға мүмкіндік берді,- деді кәсіпкер.
Qazaq Oil клиенттері тек қана сапалы өнімге қол жеткізіп қойған жоқ. Кәсіпкерлер де қызметкерлер сияқты оқу процесінен өтіп, толық құжаттар пакетін алады. Франшиза бойынша істеп тұрған ЖҚС немесе жаңадан салынған нысанды қолдануға болады. Алайда, жер учаскесі дұрыс рәсімделген әрі барлық құрылыс нормаларына сай жасалған болуы тиіс. Qazaq Oil өз кезегінде жұмыстың регламенті мен алгоритмін ұсынады.
- Біздің әріптестігіміз сәтті болып, табыс келтіре бастады. Осы уақытта компания да орнында тұрған жоқ “КазМунайГаз” атауын Qazaq Оil деп өзгертті. 2020 жылы филиал директоры Әлібек УМБЕТАЛИЕВтен тиімді шарттармен жаңа форматтағы АЖҚС ашу туралы ұсыныс келді. Серіктесіме сеніп, 2021 жылы екінші станциямды аштым. Бұл орталықтың атауы жаңа Qazaq Оil брендімен аталды. Менің екінші кешенімде 15 адам жұмыс істеп жатыр, - деді Оразалиев.
Кәсіпкерлер жобаны өз қаражатына немесе қарызға алып жүргізе алады. Ең бастысы АЖҚС (автожанармай құю станциясы) басқару құқығы өзінде болады. Айта кету керек, әр кәсіпкермен келісім шарт жеке жасалады, өтінімдерді комиссия қарайды.
- Біздің АЖҚС тұтынушылар үшін сапалы бензинмен, тауарлардың мол ассортиментімен, дәмді тағамдар дайындалатын гастрономиялық бағытымен, Vlife бонустар жүйесімен тартымды боп отыр. Vlife бонустар жүйесінің нарықта баламасы жоқ тиімді акциялар екенін бәрі біледі,- деді компаниядан.
АЖҚС клиенттері қазір өте талапшыл боп келеді. Оларға жай ғана көлікке автожанармай құю жеткіліксіз. Адамдар жүрек жалғап, әңгімелесіп, жолға кофе алғысы келеді. Сонымен қатар, әжетхананың да таза, жайлы болғанын қалайды. Сондықтан, Qazaq Oil партнердің қызмет көрсету сапасын бақылайды.
Жанармай станцияларында клиенттердің электронды шағым жасау жүйесі енгізілген. Адам кассадан қашықтамай ақ, арнайы QR-код арқылы электронды формаға шағымын толтыра алады. Кассирлердің жұмысы жасанды интеллект арқылы бақыланады. Жалпы алғанда, сыпайы әрі мейірімді қызметкер клиент тарту үшін де, АЖҚС жақсы жұмысы үшін де маңызды. Барлық цифрлық жобалар партнерлерге франшиза аясында компаниядан беріледі. Бұл бизнесті басқаруды жеңілдете түспек.
- 3 желтоқсанда Шымкентте менің үшінші станциям ашылды. Бізде мини кафе қызметі, адамдардың кең отырып сөйлесетін, кофе ішетін шағын аймағы бар. Qazaq Oil тұрақты, тиімді партнер. Әлбетте мен олармен серіктестікті жалғастырамын,- деді Жандос Оразалиев.
Vlife лоялдылық жобасы арнайы Qazaq Oil автожанармай құю станциясының клиенттері үшін жасалған. Клиенттердің шотына бензин сатып алғаны үшін бонус жиналады. Оны тек қана жанармай станцияларында ғана емес ұялы байланыс төлемін төлеуге, коммуналды қызмет, ақылы жолдарды төлеуге қолдануға болады. Qazaq Oil франшизасы орта және шағын бизнеске жаңа деңгейге көтерілуге мүмкіндік береді. Ал кәсіпкерден қаржылай салым керек. Сонымен қатар, бәсекеге толы салада жоғарғы стандарттарға сәйкес болу үшін кәсіпкердің біліктілігі маңызды. Алайда Qazaq Oil компаниясымен серіктес бизнесмендердің айтуынша, франшизаның арқасында олар жаңа тәжірибе жинақтап, тиімді серіктестік орнатып, табыстарын ұлғайтып отыр.
