Коронавирустың мутацияланған түрімен күресудің сенімді әдісі – ревакцинация
Бұл туралы өңірлік коммуникациялар қызметінің алаңында Алматы қаласының №11 емханасының дәрігері Перуза Арықова мәлімдеді, деп хабарлайды ҚазАқпарат тілшісі.
"Ревакцинация – коронавирустық вакцинаның үшінші дозасын алу. Кейде оған "үдеткіш" вакцина термині қолданылады. Уақыт өте келе ағзаның инфекциядан қорғалу деңгейі төмендейді. Антиденелер, В-лимфоциттері, лимфоциттер мен Т-жад жасушалары секілді иммунитеттің құрамдас бөліктері қайтадан жұмыс істеуі үшін вакцинаны қайта егу керек", - деді инфекционист.
Ол қазіргі вакциналар тиімді қорғаныс беретінін, бірақ, уақыт өте келе әлсірейтінін түсіндірді.
Бустерлік вакциналау денені коронавирустық инфекцияның енуінен қорғауды едәуір күшейтеді.
Перуза Арықова коронавирусқа қарсы вакцинация кез-келген адамға рұқсат етілгенін айтты. Созылмалы аурулары бар адамдар да вакцинациядан өтеді.
"Коронавирус созылмалы аурулары бар адамдарда ауыр өтеді, тіпті өлімге әкеледі. Инфекция қан тамырларының тонусына, тромбозға әкеледі. Сондықтан мен емханада дәрігермен кеңескеннен кейін ауруға шалдыққан барлық адамдарға екпе жасауды ұсынамын", - деп толықтырды №11 емхананың дәрігері.
Қарсы көрсетілімдер аллергияның ауыр түрімен ауыратын адамдар үшін, Гийен Баре ауруы кезінде, жүйке жүйесінің үдемелі аурулары бар пациенттер үшін, мысалы, бақыланбайтын эпилепсия үшін бар.
Созылмалы аурулардың өршуі кезінде вакцинациялауға болмайды.
Жұқпалы аурулар дәрігері 12 жастан асқан жасөспірімдерді вакцинациялау өте маңызды екенін атап өтті.
Оның айтуынша, қауіп тобына созылмалы аурулары бар балалар кіреді, оларды бірінші кезекте егу керек.
Сондай-ақ, жасөспірімдерді постковидтік синдромнан қорғауға болады.
"Жанама әсерлер туралы алаңдамаудың қажеті жоқ, барлық реакциялар қалыпты. Вакциналаудан соң инъекция орнында ауырсыну, терінің аздап қышуы, температура, жалпы субфебрилит, катаральды көріністер, бас ауруы түрінде реакция болуы мүмкін, бірақ ол қысқа мерзімде өтеді", - деді дәрігер.
Фото: inform.kz.
