Қысқы Азия ойындарына Қазақстан атынан алты ресейлік спортшы кетті

Париждегі Олимпиада ойындарынан кейін Тоқаев спорт министрлігін легионерлер үшін қатаң сынаған болатын

Қытайдың Харбин қаласында басталған қысқы Азия ойындарына Қазақстан намысын қорғауға экс-ресейлік алты спортшы кеткен, деп жазады 1bol.kz.

Есте болса, былтыр Париж Олимпиадасына да Қазақстан атынан 10-нан астам легионер қатысып, бәрі жеңіліп қалған болатын. Мұнан кейін президент Қасым-Жомарт ТОҚАЕВТЫҢ өзі спорт министрлігін қатаң сынағанымен, Ербол МЫРЗАБОСЫНОВ басқаратын ведомство бұдан сабақ алмаған секілді.

Читайте также

Жалдамалы әскер жанын салып соғыспайды...

Sportarena.kz сайтының мәліметінше, Харбинге аттанған легионерлер:

1. Александра СКОРОХОДОВА, таушаңғысы  - Ресей.
2. Кристина СИЛАЕВА,  конькимен сырғанау – Ресей.
3. Софья САМОДЕЛКИНА, мәнерлеп сырғанау - Ресей.
4. Бойсангур ДАТИЕВ, мәнерлеп сырғанау - Ресей.
5. Эдуард МИХАЙЛОВ, хоккей – Ресей.
6. Вячеслав КОЛЕСНИКОВ, хоккей – Ресей.

Жалпы Азия ойындарында ел намысын 137 спортшы қорғайды.

“Сары құрлық” бәсекесі 7-14 ақпан күндері Қытай Халық Республикасының Харбин және Ябули қалаларында өтеді.

Фото: olympic.kz.

ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!