Баланың денесі табылды
Қызылорда-Астана бағытындағы пойызда әйел өз күшімен босанып, туған сәбиін терезеден лақтырып жіберген. Жолаушылар қансыраған әйелді көріп, жағдайды анықтады, деп жазады shyn-ar.kz.
Пойыз елордаға 20 сәуірде таңғы 5-те келуі керек болған.
Куәгерлердің айтуынша, Қарағанды станциясынан өткеннен кейін пойыз жолсерігі санитарлық аймақтан (дәретхана) қан іздерін көрген. Сосын еденді жуа бастаған.
Ол сондай-ақ дәретхана ішінде қанның ізі көп болғанын және бұл жолаушыларды алаңдатып жатқанын айтқан.
Мұны естіген пойыз ішіндегі қыздардың бірі не болғанын анықтау үшін дәретханадан купенің біріне дейін созылған қан ізімен жүреді. Солай купе ішінде көрпеге оранып жатқан әйелді көреді. Көрпені тартқан кезде куәгер төсектің бәрі қан екенін көреді.
Кейін болған жайтты сұрай бастайды. Әйел пойызда өздігінен босанған болып шықты. Ең қорқыныштысы, ол босанған соң баланы тікелей пойыз вагонының терезесінен лақтырып жіберген.
Дереккөздерге сәйкес, баланың денесі табылды. Өкінішке қарай, нәресте көз жұмған.
Көліктегі полиция департаменті осы факт бойынша тергеу жүргізіліп жатқанын жеткізді. Оның шеңберінде тиісті процестік шешімдер қабылданады. Болған оқиғаның мән-жайы белгіленеді.
Фото: Baigenews.kz.
ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!
