Жыл басынан бері қанша этникалық қазақ көшіп келді

Олардың жартысынан көбі Өзбекстаннан келді

2022 жылдың 1 сәуіріндегі жағдай бойынша 3 078 этникалық қазақ тарихи отанымен табысып, қандас мәртебесін алды.

Жалпы 1991 жылдан бері республикаға 1 миллион 90,1 мың этникалық қазақ оралды, деп хабарлады еңбек және халықты әлеуметтік қорғау министрлігі.

Читайте также

Алматы түбіндегі Құлжа тасжолында жаяу жүргіншіні көлік қағып өлтірді

Биыл қандастар Қазақстанға қай елдерден келді:

66,3% – Өзбекстаннан;

11,3% – Қытайдан;

10,9% – Түрікменстаннан;

2,2% – Моңғолиядан;

9,3% – басқа елдерден.

Келген этникалық қазақтар қайда қоныстанды:

Алматы облысына – 30,2%;

Маңғыстау облысына – 19%;

Түркістан облысына – 11,4%;

Жамбыл облысына – 5,9%;

Алматы қаласына – 6,5%;

Нұр-Сұлтан қаласына – 7,1%;

Шымкент қаласына – 7,6%.

Осы жылдың 1 сәуіріндегі жағдай бойынша еңбекке қабілетті жастағы этникалық қоныс аударушылар саны 62,7%-ті, еңбекке қабілетті жастан кіші 23,2%-ті және зейнеткерлер 14,1%-ті құрайды.

Еңбекке қабілетті жастағы қандастардың 11,5%-і жоғары білімді, 39,6%-ы орта кәсіби білімді, 47%-і жалпы орта білімді және 1,8%-нің білімі жоқ.

Коллаж: © Ratel.kz / Малик Кумарбеков.