Temu Қытай үкіметіне деректер жинайтынын жоққа шығарады

Қытайлық маркетплейс Ratel.kz жарияланымына дереу жауап берді

Сенбі, 8 ақпанда, Ratel.kz сайтында “Смартфоныңыздағы қытайлық қауіп: Temu дегеннен сақтану керек” деген тақырыппен мақала жарияланды.

Содан Temu баспасөз қызметінен жауап келді. Онда былай делінген:

"Сіздің ресурсыңызда Temu туралы жарияланған мақалаға назар аударып, онда түзетуді қажет ететін бірнеше қате ақпарат екенін байқадық. Төменде біз қате деп есептейтін кейбір тұжырымдарға қатысты түсіндірме ұсынамыз.

Temu жинайтын деректердің көптігі сонша, басқа әлеуметтік желілер мен іздеу жүйелері жолда қалады. Зат қарау әдеттеріңіз, жүрген жеріңіз, экранда өткізген уақытыңыз – мұның бәрі маңызды.

Temu деректерді жинауда ашықтық қағидаларын ұстанады және тек қажетті минимум ақпаратты ғана жинайды:

1. Тапсырыстарды басқару;
2. Қызмет көрсету және төлемдерді өңдеу;
3. Пайдаланушымен оның тапсырыстары, өнімдері және оған қызықты болуы мүмкін платформаның ұсыныстары туралы байланыс орнату;
4. Сатып алу процесін жекелендіру және өнімдер бойынша ұсыныстар беру.
   Temu-дағы деректерді жинау және пайдалану туралы толық ақпаратты мына сілтеме арқылы білуге болады: https://www.temu.com/support/c3/is-it-safe-to-shop-on-temu-how-will-my-information-be-used-f-208-s-211.html.

Temu деген жай ғана маркетплейс емес, жеке деректеріңізді жинап, Қытайға жөнелтетін қуатты құрал болып шықса ше?

Читайте также

Смартфоныңыздағы қытайлық қауіп: Temu дегеннен сақтану керек

Temu ешқашан пайдаланушылардың деректерін Қытай үкіметіне берген емес және мұндай сұраныс болған күннің өзінде де бермейді.

Жақында Grizzly Research компаниясы Temu-ды "ең қауіпті кең таралған қосымша" деп атады. Сарапшылар Temu қосымшасында деректерді жаппай ұрлауға арналған жасырын мүмкіндіктер бар екенін ескертеді және оның қызметі зиянды бағдарламаға көбірек ұқсайды дейді. Temu-дың ақпарат жинау әдістері қарапайым электронды коммерция платформасынан әлдеқайда асып түседі.

Бұл есептегі айыптаулар негізсіз және оны беделі күмәнді, қысқа мерзімді сауданы көздейтін шағын компания шығарған. Бұл есептің жалғыз мақсаты – нарықта үрей туғызу және акция құнын төмендету арқылы алыпсатарлық шешімдерден пайда табу. Олардың ниеті мен әрекеттері белгілі.

Ақпараттық қауіпсіздік сарапшылары Temu-дың шпиондық бағдарлама ретінде жұмыс істеуі мүмкін екенін, жеке деректерді жинап, бақылау жүргізуге мүмкіндік беретінін және тіпті кибершабуылдарға негіз қалауы ықтимал екенін мәлімдеді. Яғни, Temu жай ғана маркетплейс емес, ұлттық қауіпсіздікке елеулі қатер төндіретін деректер жинау құралы болуы мүмкін.

Temu қосымшасының қауіпсіздігін OWASP (Open Web Application Security Project) тәуелсіз түрде тексерген және ол MASVS пен PCI DSS сияқты озық қауіпсіздік стандарттарына сәйкес келеді. Temu сонымен қатар көпфакторлы аутентификация сияқты заманауи деректерді қорғау әдістерін пайдаланады. Бұған қоса, Temu 2024 жылы Apple-дің үздік қосымшаларының қатарына енді, бұл оның қауіпсіздігін тағы да растайды.

Иә, қытайлық тауар арзан-ақ, бірақ күндердің күнінде сіздің деректеріңіз, соның ішінде банк ақпараттарыңыз біреудің қолына түссе қайтесіз?

Temu-дың бәсекеге қабілетті бағаларды ұсына алуының себебі – өндірушілерден тікелей жеткізуге негізделген бірегей моделі. Бұл тәсіл аралық кезеңдерді барынша азайтып, тиімділікті арттырады және сатып алушылар үшін бағаларды төмендетуге мүмкіндік береді. Temu арқылы өңделетін тапсырыстар үлкен көлемінің арқасында үнем беріп, логистика мен жеткізу шарттарын жақсартады. Нәтижесінде, бұл платформаның клиенттері үшін тауар құнын едәуір төмендетуге ықпал етеді.

Фото: Markus Mainka/Shutterstock/FOTODOM.

ТАҚЫРЫПҚА ОЙ ҚОСЫП, ПІКІРІҢІЗБЕН БӨЛІСУ ҮШІН TELEGRAM КАНАЛЫМЫЗ БАР!